Nojdi ISSA-VIS-Kut i ćutit ćeš se mlaji i zdraviji

Ovo je Ljiljana (kao prava medicinska sestra) dala Milanu ljekovit savjet: Nojdi ISSA-VIS-Kut! Evo, uvjerite se da je pogodila lijek. Piše Milan:

Liljana(Repanič) mi je rekla da nojdem Issa Vis Kut.I noša som,i zdraviji som i mlaji som i sritniji som ma ca ču vom reč.Takoti neču boga,kad coviki iz ovamo vidi ovo tamo,ne more a da mu sarce ne zatrepeče sa svom forcom od jubavi.Za gospu Isusovu ma ni bojega,ni lipjega

Jedon put som napisa ovako

Na Visu,otoku sunca

di more i vino vlada

di bura valove čini

a di snig nikad ne pada

upozna sam život i jubav

koja sada.....

Evo ovako.Ako vidite Brankota Vlastelicu(Škurjo smo mu rekli)pozdravte ga.Ako vidite Dinkota Poduje( Morkova),pozdravte ga,Ako vidite Koticu ca ji brat prodoje vino u molu bondu na rivu,pozdrovte jo,Ako vidite,Tenju,Oliviju,Granzelicu i sve druge iz osnovne skule ca su hodili ismenom od parvega do osmega razreda a meštrovica nom je bila Marija Pindulič, nojbojo meštrovica na svitu,pozdrovte jih.To su bila vrimena,kad smo se kupali morca ispod skule,kad su  se tukli Ližnjok i Bura,kad su iz jedrinice Bivis vikali vamo vamo,kad je Gege do stinju u škartoc a jedon ga  je bati isvon forcom sa boson nogon.Atroke batibum,atroke kunke pod vartilovo ......Kad su se Vinko Pikarin i Tomislav obukli u maškare,jedon puno debeli i drugi suhi po je jedon vuka luganige iz guzice u varcinu a drugi je kako da pišo (vino) kroz futa.

A Vis....Lipi je to otok sri lipega mora

Tukli su ga njemci i njihovi pajdaši

a najviše zla su našemu otoku,toj lipoti mora

učinili naši.
Jo son Roki Milan iz Luškega barda 29,sin Marije Anicine.

Rodi son se (bez da  bi me ku pito) 1945 a vamo živim od 1964. Nemojte se jidit,da som ovoko napiso,jerbo mi se pari kako da is nikim govorim.Evala vom bilo!

• Facebook
• Twitter
• Linkedin
• Pinterest

You Might Also Like

ljudi

« PREV

NEXT »